07 04 2021

Կառավարության մոտ թաքուն բացել են «անվախ աղջկա» արձանը․ Կարեն Վրթանեսյան

Կառավարության մոտ թաքուն բացել են «անվախ աղջկա» արձանը․ Կարեն Վրթանեսյան

«Ռազմինֆո» մասնագիտացված կայքի համակարգող Կարեն Վրթանեսյանը ֆեյսբուքյան իր էջում հրապարակել է լուսանկարներ՝ նշելով, որ Կառավարության 3-րդ մասնաշենքի մոտ այսօր գաղտագողի նոր արձան է բացվել։

«Այսօր մի իրադարձություն է տեղի ունեցել, որն իր կատարյալ պոստմոդերնիստական ցինիզմով չէր կարող ծնվել նույնիսկ Կուստուրիցայի հանճարեղ ուղեղում...

Մինչ հարյուրավոր ոստիկաններ Հրապարակում կանանց և աղջիկների թևերն էին ոլորում ու քաշքշելով տանում քաղմասեր, նույն այդ ժամանակ, այդտեղից մոտ 200 մետր հեռավորության վրա՝ կառավարության 3րդ մասնաշենքի մուտքի մոտ, արձան է կանգնեցվել։

 

Արձանի բացումն արվել է գաղտագողի, առանց մամուլին և հանրությանը տեղեկացնելու։

Արձանի անունն է... [բռնվե՛ք]... «Անվախ աղջիկը»,-գրել է նա:

Վրթանեսյանն ընդգծել է, որ արձանը բացվել է այն պահին, երբ կառավարության մոտ մի քանի տասնյակ կնոջ ու աղջկա դեմ մի քանի հարյուր ոստիկան էր հանվել։

«Սա երեսպաշտության տիեզերք է, ցինիզմի անսահմանություն»,-գրել է նա։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Orphus համակարգ