30  10  2019

100-ավոր քաղաքացիներ գործազուրկ կդառնան․ «Ժողովուրդ»

100-ավոր քաղաքացիներ գործազուրկ կդառնան․ «Ժողովուրդ»

«Ժողովուրդ» օրաթերթը գրում է․ «Երբ Ազգային ժողովի կողմից ընդունվեց կառավարության նոր կառուցվածքի մասին նախագիծը, բոլորի համար էլ պարզ էր, որ մի քանի ամիս անց կրճատումների նոր ալիքներ կսկսվեն միավորված նախարարություններում: Այս ամիսների ընթացքում դեռ միավորման աշխատանքներն էին ընթանում, եւ այժմ գրեթե պատրաստ է կրճատվող հաստիքների ցանկը: Եվ ինչպես ավելի վաղ գրել էր «Ժողովուրդ» օրաթերթը, միավորման արդյունքում կրճատվելու են կրկնվող գործառույթ ունեցող բաժինները: Այս օրերին միավորված նախարարություններն այս ուղղությամբ վերջին աշխատանքներն են տանում:

Օրինակ` կառավարության վաղվա նիստում նախատեսված է քննարկել արդեն Շրջակա միջավայրի նախարարության նոր կառուցվածքը, եւ դրանից հետո էական կրճատումներ կլինեն: Այդ գործընթացը կմեկնարկի հենց կառուցվածքը հաստատելուց անմիջապես հետո: Իսկ տարածքային կառավարման եւ ենթակառուցվածքների նախարարության պարագայում մոտ 100 աշխատակից կդառնա գործազուրկ բաժինների միավորման արդյունքում: Առաջիկայում սպասվում են նաեւ այլ կառավարական մարմինների միավորումներ, ինչն իր հերթին ենթադրում է այլ կրճատումներ»։

Նյութն ամբողջությամբ կարդացեք «Ժողովուրդ» թերթում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ