11  10  2019

Ապրիլյան պատերազմի հետ կապված թերացումների կծիկը չեն գտնում․ «Ժողովուրդ»

Ապրիլյան պատերազմի հետ կապված թերացումների կծիկը չեն գտնում․ «Ժողովուրդ»

«Ժողովուրդ» թերթը գրում է․ «Թերթին հաջողվել է Ապրիլյան պատերազմի հանգամանքները քննող հանձնաժողովի երեկվա փակ գաղտնի նիստի մանրամասներն իմանալ:

Մեր աղբյուրները փոխանցում են, որ քննել են քառօրյայի մասնակից, «Լուսավոր Հայաստան» խմբակցության պատգամավոր Հարություն Բաբայանի օգնական Սարգիս Նիազյանին: Թեպետ տեղեկություններ կային, թե նիստին ՊՆ բարձրաստիճան պաշտոնյա է քննվել, մեր աղբյուրները, սակայն, տեղեկացնում են, որ երեկ քննվողը Նիազյանն է եղել:

Մեր տեղեկություններով` հիմնականում հարցաքննություն իրականացնողը հանձնաժողովի նախագահ Անդրանիկ Քոչարյանն է եղել՝ հաճախ խոսքը փոխանցելով «Իմ քայլ»-ից հանձնաժողովական Տիգրան Կարապետյանին:

Զինվորին, ըստ մեր լուրերի, հարցրել են՝ արդյոք այդ օրը բանակը զենք ունեցե՞լ է, անհրաժեշտ սնունդով ապահովված եղե՞լ են, հրամկազմը պատրաստ եղե՞լ է, զինվորների քաջությունը բավարարե՞լ է մարտին մասնակցել:

Մինչեւ այսօր բոլոր քննվողները, ըստ մեր լուրերի, հաստատել են, որ ամենի ինչ նորմալ է եղել, եւ հանաձնաժողովը չի կարողանում գտնել թերացումների կծիկը:

Ի դեպ, հանձնաժողովականները միմյանց խոստացել են նիստից «ուտեչկաներ» չանել»»։

Ամբողջությամբ կարող եք կարդալ «Ժողովուրդ» թերթում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ