13  01  2020

Այսօր նախարարությունները զբաղված են օրինական կոռուպցիայով. Կարինե Աճեմյան



Ժամանակները շատ խրթին են, խառը, տարօրինակ և մեր կյանքում շատ նեգատիվ կա: Այս մասին Yerevan.Today-ի հետ զրույցում ասաց ՀՀ ԱԺ նախկին պատգամավոր, ՀՀԿ անդամ Կարինե Աճեմյանը:

«Այն, ինչով հպարտանում է ներկա իշխանությունը, նախկինների ձեռքբերումներն են: Պարզապես  ոտանահարել, վրայով անցնել, մերժել անցյալը և իբրև թե ստեղծել նորը, տեսնում ենք, որ իրենց մոտ չի ստացվում, կարծում եմ, որ դա հենց հետընթաց է, դա որևէ զարգացում չի բերելու: Այդ մոտեցումը՝ ոտնահարելու, ճզմելու, իսկ մենք այսօր արդեն ականատես ենք լինում Սահմանադրական դատարանի հանդեպ այնպիսի ոտնձգության, այնպիսի խայտառակ գործողությունների, որոնք հակապետական կարելի է որակել: Եվ այս պայմաններում սպասել ինչ-որ լավ զարգացումների, դժվար է»,- նշեց Կարինե Աճեմյանը:

Մեր հյուրը նաև ընդգծում է՝ իրական գիտակցված միտքը գտնվում է և՛ խորհրդարանից, և՛ իշխանություններից. «Այն բոլոր մտահոգությունները, որոնք հայտնում ենք մենք բոլորս, միտված են նրան, որպեսզի կարողանանք այն բոլոր վտանգավոր իրադարձությունները, որոնք մեզ սպասվում են և արդեն տեսանելի են, կարողանանք կանխատեսել և դեմն առնել»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ